Prezident İlham Əliyev 24 mayda əfv sərəncamı imzalayıb. Sərəncamda olan 634 nəfərlik siyahıda ad olan şəxslərdən biri də bloqqer Mehman Hüseynovdur. O, 2017-ci il 3 mart tarixində Suraxanı rayon Məhkəməsinin qərarı ilə 2 il müddətinə azadlıqdan məhrum edilmişdi.
Xatırladaq ki, M. Hüseynov Nəsimi rayon Polis İdarəsində işgəncəyə məruz qalması barədə açıqlama vermişdi. Bundan sonra Nəsimi rayon Polis İdarəsinin rəisi Musa Musayev onu xüsusi ittiham qaydasında məhkəməyə verib, Mehman Hüseynovun Cinayət Məcəlləsinin 147.2-ci (böhtan, ağır və ya xüsusilə ağır cinayətdə ittiham etməklə böhtan atma) maddəsilə məsuliyyətə cəlb olunmasını və cəzalanmasını istəmişdi.
