Bu ilin sonunda ABŞ Prezidenti Donald Tramp rusiyalı həmkarı Vladimir Putinlə görüşəcək
Bu sözləri Rusiya Xarici İşlər naziri Sergey Lavrov ABŞ dövlət katibi Reks Tillersonla Nyu Yorkda BMT Baş Assambleyasının 72-ci iclası çərçivəsində keçirdiyi görüşdən sonra jurnalistlərə açıqlamasında deyib.
O bildirib ki, görüş Asiya-Sakit okeanı iqtisadi forumunun Vyetnamda keçirilməsi planlaşdırılan iclası zamanı baş tutacaq.
Lavrov qeyd edib ki, bu görüş çox böyük əhəmiyyətə malikdir.
Bu arada Lavrov ABŞ-ın Suriyadakı varlığı məsələsində də toxunub: “Tillersonla görüşdə ABŞ-ın Suriyada fəaliyyəti məsələsini müzakirə etdik. Dövlət katibinə xatırlatdım ki, amerikalı əsgərlə Suriyada “çağırılmamış qonaq”dır. Buna baxmayaraq, Rusiya terrorla mübarizədə ABŞ-a əməkdaşlığa hazırdır”.
