SON DƏQİQƏ
XalqXeber.Az » Cəmiyyət » “QASİD”in direktor müavini Ağəli İsmayılovda 1 milyon dollar haradandır?

“QASİD”in direktor müavini Ağəli İsmayılovda 1 milyon dollar haradandır?

Tarix:

29-06-2017, 09:53

/ 38 543 dəfə oxundu.
“QASİD”in direktor müavini Ağəli İsmayılovda 1 milyon dollar haradandır?

Bu yaxınlarda redaksiya olaraq sahibkar Zahid Aslanlının məhkəmə hakimlərinin qanunsuz hərəkətləri barədə Birinci Vitse-Prezident xanım M.Əliyevaya, Prezident Administrasiyasının rəhbəri cənab R.Mehdiyevə, Məhkəmə Hüquq Şurasının sədri cənab F.Məmmədova, Ali Məhkəmənin sədri cənab R.Rzayevə və Kütləvi İnformasiya Vasitələrinə müraciətini dərc etmişdik.

Müraciətin digər dertallarını hələ ki bir kənara qoyaraq bir məsələ üzərində xüsusi dayanmaq istəyirəm.
Sahibkarın müraciətindən bəlli olur ki, 2013-cü ildə “QASİD” firmasının direktor müavini Ağəli İsmayılov Zahid Aslanlıya 1.000.000 ( 1 milyon dollar ) verərək onun sahibi olduğu “Dan Ulduzu” şadlıq sarayına şərik-ortaq olmaq istədiyini bildirib.
Tərəflər şadlıq sarayının ümumi dəyərinin 5.700.000 ( 5 milyon yeddi yüz min ) dollar olmasını razılaşıblar. Və Ağəli İsmayılov 1 milyon dolları verəndən sonra qalan pulu, yəni 2.750.000 ( 2 milyon 7 yüz 50 min ) dolları Zahid Aslanlıya ödəməkdən imtina edib. Və məsələ məhkəmə çəkişməsinə çevrilib.
Yuxarıda qeyd etdiyim kimi məni hələ ki məhkəmənin qətnamələri, kimin haqlı, kimin haqsız olması deyil...məhz bir məsələ maraqlandırır: “QASİD” mətbuat yayımı firmasının direktor müavini Ağəli İsmayılovda 1.000.000 ( 1 milyon dollar ) haradan ola bilərdi...?
Axı, hörmətli Ağəli müəllim biznesmen deyil, iş adamı, sahibkar, fermer deyil. Adi mətbuat yayım firmasında direktor müavinidir və konkret məbləğdə əmək haqqı alır. Bu adamda 1 milyon dollar haradan ola bilər..?

Bəlkə, Ağəli müəllim xəzinə tapıb..?

Bəlkə babasından “qızıl küp” qalıb..?

Bəlkə, Ağəli müəllim hansısa kəşf edib, patent qazanıb, ixtira edib..?

Hətta bunlar da 1 milyon dollar üçün bəs etmir.

Axı, hamı bilir ki, uzun illər QASİD mətbuat yayımı qəzetlərin satışından 5-10 qəpik pul əldə edib.

Bəs 1 milyon dollar haradandır..?

Əgər Ağəli müəllim QASİD-dən 1 milyon dollar qazanıbsa, onda QASİD-in “xozeyni” seyyid övladı hacı, millət vəkili Mirkazım müəllim Kazımov nələr qazanıb..?

Bu pulun mənbəyi nədir..?

Bu yerdə adamın yadına MTN generallarının məhkəməsi düşür...

Yahu, belə ölkə olmaz ee...Bir gün bunun haqq-hesabı sorulacaq.

Bu pulları sizlər harada qazanmısınız..?

Dövlətə bu illərdə nə qədər vergi ödəmisiniz..?

Bu pullar bəlkə babanızdan qalıb..?

Axı, sizin babalarınızın ən yaxşı halda 5-10 qoyunu-keçisi olub..

Bəlkə xəzinə tapmısınız..?

Bu pullar hamısı oğurluqdur ee...

Yazının bu yerində yadıma Metropolitenin keçmiş rəisi T.Əhmədovun məsələsi düşdü.
Tağı Əhmədov istintaqda bildirir ki, keçmiş MTN generalı Akif Çovdarov hədə-qorxu yolu ilə ondan 3 milyon dollar alıb.
Müstəntiq Tağı Əhmədovdan "Siz 3 milyon dolları necə əldə etmişdiniz ki, Akif Çovdarova bu məbləğdə pulu ödəyə bildiniz?" sualına Metro rəisi belə cavab verib: "40 illik əmək haqqımdı, yığıb saxlamışdım".
Tağı Əhmədovdan soruşan yoxdur ki, sənin 40 illik əmək fəaliyyətinin ( 40 х 12 = 480 ay ) böyük hissəsi sovet dövründə olub və o vaxt 500 manatdan artıq maaş olmurdu. Lap fərz edək ki, Tağı Əhmədov 1000 manat maaş alıb. Bütün bunları hesablayanda ( 480 ay х 1000 = 480.000 ) …heç yarım milyon etmir. Bəs, yerdə qalan 2 milyon 500 min dolları hara yazaq, ay Tağı Sadiq..?

Görəsən, bu 40 il ərzində Tağı Əhmədov nə yeyib, nə içib, nə geyib..?

Bəlkə 40 il ərzində Tağı Əhmədov əyninə əncir yarpağı geyib..?

Hətta əncir yarpağı geysə belə, 3 milyion dolları hesablamaq olmur.

Tağı müəllim, həmişə deyirsiniz ki, kinoya getməyə 20 qəpik tapmırdım.

Bəs nə baş verdi? Möcüzə oldu, dönüb milyonçu oldun..?

Eynu sualları Ağəli müəllimə də vermək olar.

Haradandır sizdə 1 milyon dollar, ay Ağəli müəllim..?

Bəxtiniz orda gətirib ki, bu gün ölkədə elementar məhkəmə sistemi yoxdur.

Yoxsa bütün bu sualları sizə məhkəmədə ünvanlayardılar.

Sonda, mən hörmətli Tağı müəllimə də, Ağəli müəllimə də demək istəyirəm ki, mən sizin pullarınızı saymaq fikrində deyiləm.

Bu yerdə böyük türk şairi Nazim Hikmətlə bağlı bir hadisə yadıma düşür.

Kommunist olduğu üçün Türkiyədə izlənən Nazim Hikməti bir gün jandarma yaxalayır. Və görürlər ki, şair yumşaq yataqda dincəlir. Jandarma soruşur: “Paşa nəvəsi, üzv olduğun kommunist firqəsi bərabərlikdən danışır...bəs sən burda yumşaq, təmiz yataqda dincəlirsən, firqədaşlarını isə həbsxanalarda bit-birə basıb yeyir”...

Nazim Hikməti deyir ki, cənab komutan, mən bit-birənin bərabərliyindən deyil, zənginliyin bərabərliyindən danışıram və istəyirəm ki, hamımız zəngin olaq...

Bəli, Tağı müəllim, Ağəli müəllim!

Mən sizin pullarınızı saymaq fikrində deyiləm. Və çox istəyirəm ki, insanlarımızın hamısı zəngin olsun.

Amma bu zənginlik halal yolla olmalıdır. Oğurluq, quldurluq yolu ilə deyil.

Çünki Akif Çovdarovların, Hacı Məmmədovların, Əli Abbasovların, Eldar Mahmudovların timsalında Azərbaycan cəmiyyəti gördü ki, oğurluğun və q...yin müddəti 40 gündən çox çəkmir.

Cənab Tağı Əhmədov və Ağəli İsmayılov!

Yaxşı olardı ki, bu sualları sizə ölkə baçısı möhtərəm İlham Əliyev cənabları versin: Sizdə bu milyonlar haradandır..?

İndi sürət əsridir. Pis əməllərin ömrü 40 gün də çəkmir.

Ona görə də çalışın, hələ ki gec deyil bu pis əməllərdən çəkinin.

NUH.az

Şərhlər

XƏBƏR LENTİ