SON DƏQİQƏ
XalqXeber.Az » Cəmiyyət » MTN şefinin oğluna şok: Crystal Plaza” Anar Mahmudovdan alınıb

MTN şefinin oğluna şok: Crystal Plaza” Anar Mahmudovdan alınıb

Tarix:

21-01-2017, 00:11

/ 4 741 dəfə oxundu.
MTN şefinin oğluna şok: Crystal Plaza” Anar Mahmudovdan alınıb

Milli təhlükəsizlik naziri olmuş Eldar Mahmudovun oğlunun plazasına əl qoyulub

Daxil olan xəbərdə iddia olunur ki, “Crystal Plaza” Anar Mahmudovdan alınıb.

Keçmiş nazirin oğlu şəhərin mərkəzindəki ofisinə gəlmir. Onun da fəaliyyətinin yoxlanıldığı haqda məlumatlar var.

Bildirilir ki, atasının istefaya göndərilməsinin ardınca oğlunun biznesi təhlükə ilə üzləşib. Artıq “Crystal Plaza”nın ona məxsus olmadığı deyilir.

Anar Mahmudov atasının vəzifədən uzaqlaşdırılmasından sonra Bakının Yusif Səfər küçəsi 33 ünvanında yerləşən “Crystal Plaza”dakı ofisinə gəlmir.

Plazada çalışan və adının açıqlanmasını istəməyən işçilərdən öyrəndiyimiz məlumata görə, Eldar Mahmudovun işdən çıxarılmasından sonra Anar Mahmudovla yanaşı, əvvəllər Plazaya gələn vəzifəli qonaqlar da “yoxa çıxıb”.

Belə ki, Plazanın 11-ci mərtəbəsində yerləşən lüks restoran əvvəllər yüksək vəzifəli məmurların, iş adamlarının məkanı olub. Eldar Mahmudov və Anar Mahmudov bəzən öz qonaqlarını burada qəbul edirlərmiş.

Eldar Mahmudova bağlı olan iri biznes qurumlarından biri olan “Caspian Crystal” holdinqin baş ofisi də Plazanın 9-cu mərtəbəsində yerləşir. Anar Mahmudov özünün rəhbəri olduğu holdinqin baş ofisinə tez-tez baş çəkirmiş.

“Caspian Crystal” holdinq Azərbaycanda 2006-cı ildən fəaliyyət göstərir və holdinqin İdarə Heyətinin sədri Anar Eldar oğlu Mahmudovdur. Əlavə edək ki, “Caspian Crystal” bir neçə istiqamətdə ixtisaslaşmış böyük holdinqdir.

Daxil olan xəbərdə iddia olunur ki, Anar Mahmudovun “Akula” ləqəbli Akif Mustafayevlə birgə əməliyyatlarda hallanır. keçmiş nazirin oğlu Anar Mahmudovun Bakının Yasamal rayonu, Ismayıl Qutqaşınlı küçəsində yerləşən “Altes Plaza” biznes mərkəzində yerləşən daha bir ofisi olub.

O, “Altes Plaza” biznes mərkəzinin 20, 21, 22 və 23-cü mərtəbələrini bütöv alıb. Müəyyən edilib ki, bu daşınmaz əmlakın ümumi sahəsi 1400 kvadratmetrə yaxındır.

Həmin mərtəbələrdə yerləşən mənzillərin alınması üçün 3 milyon 560 min manatdan çox vəsait ödənilib və Anar Mahmudov aldığı mənzilləri ofis kimi istifadə etməyə başlayıb.

Dünyanın hər bir yerindən gətirilmiş eksklüziv şərablar və alkoqollu içkilər təklif edən butik - “Wine City”, lüks qədəhlərin istehsalçısı “Riedel Crystal” şirkətinin Azərbaycanda rəsmi distributorluğu, Avropanın ən yaxşı istehsalçılarından idxal edilən eksklüziv qida məhsullarının satışının həyata keçirildiyi “Gastronomy-1″, “Gastronomy-2″ və “Gastronomy-3″ mağazaları, “Beluga”, “Salvador Dali”, “Lord”, “VİP”, “Velluto” və “Crystal Shikhovo” kimi lüks restoranlar, “Range Rover”, “Jaquar”, “Maserati” avtomobillərinin və “Dicati” motosikletlərinin rəsmi distribütoru olan “Crystal Motors” şirkəti də holdinqin tərkibinə daxildir.

Şərhlər

XƏBƏR LENTİ