Gömrük Komitəsində baş verən son kadr dəyişiklikləri "yuxarılarda" böyük narazılıq doğurub. Bunu DİA.AZ-a hökumətdəki mötəbər mənbə bildirib.
Qaynaq iddia edir ki, son prezident seçkilərindən sonra həyata keçirilən kadr islahatları nəticəsində DGK rəhbərliyinə gətirilən Səfər Mehdiyevin yürütdüyü dəyişikliklər etirazla qarşılanıb.
Mənbə bildirib: "Səfər Mehdiyevin bütün addımları şəxsi maraqlar zəminində həyata keçirildiyindən baş verənlər heç də təqdir olunmur. Əksinə, Səfər Mehdiyev artıq ilk xəbərdarlığı haqq edib və proses bu şəkildə davam edərsə, onun özünün də görəv başında saxlanılması müzakirə mövzusuna çevrilə bilər".
