SON DƏQİQƏ
XalqXeber.Az » Cəmiyyət » Hacı Məmmədovun nəşi sahibsiz qaldı

Hacı Məmmədovun nəşi sahibsiz qaldı

Tarix:

4-12-2017, 15:28

/ 1 947 dəfə oxundu.
Hacı Məmmədovun nəşi sahibsiz qaldı

Daxili İşlər Nazirliyinin (DİN) keçmiş polkovniki, həbsxanada intihar edən Hacı Məmmədovun nəşi Yasamal rayon Məhkəmə-Tibbi Ekspertiza şöbəsindədir.

Musavat.com-un həmin yerdə olan əməkdaşı xəbər verir ki, hələ mərhumun ailə üzvlərindən heç kim şöbəyə gəlməyib. Cənazənin nə zaman götürüləcəyi bilinmir.

Qeyd edək ki, Daxili İşlər Nazirliyinin Baş Cinayət Axtarış İdarəsinin sabiq baş əməliyyat müvəkkili, polkovnik-leytenant H.Məmmədov 2005-ci il martın 10-da artıq ləğv olunmuş Milli Təhlükəsizlik Nazirliyinin keçirdiyi “Qara kəmər” əməliyyatı nəticəsində mütəşəkkil dəstə üzvləri ilə birlikdə həbs edilib.

H.Məmmədov həmin il fevralın 10-da Beynəlxalq Bankın İdarə heyətinin hazırda həbsdə olan sabiq sədri Cahangir Hacıyevin həyat yoldaşı Zamirə Hacıyevanı oğurlayandan sonra Milli Təhlükəsizlik Nazirliyi mütəşəkkil dəstənin üzvlərinin izinə düşərək bir ay sonra onları zərərsizləşdirib.

2006-cı ildə Bakı Ağır Cinayətlər Məhkəməsinin hökmü ilə H.Məmmədov və dəstənin üzvü kimi təqsirləndirilən, həmin vaxt Daxili İşlər Nazirliyinin Baş Cinayət Axtarış İdarəsinin rəisi vəzifəsində çalışan general Zakir Nəsirov və bir neçə dəstə üzvü ömürlük azadlıqdan məhrum edilib. Z. Nəsirovun cəzası bu ilin mart ayında 15 illik cəza ilə əvəz edilib və cəzasının çəkilməmiş hissəsi bağışlanaraq azadlığa buraxılıb.

Şərhlər

XƏBƏR LENTİ