SON DƏQİQƏ
XalqXeber.Az » Cəmiyyət » Keçmiş polis rəisi ölkədən necə qaçdı?

Keçmiş polis rəisi ölkədən necə qaçdı?

Tarix:

22-09-2017, 11:02

/ 93 988 dəfə oxundu.
Keçmiş polis rəisi ölkədən necə qaçdı?

Bakı Şəhər İcra Hakimiyyətinin Mənzil-Kommunal Təsərrüfatı Departamentinə rəhbərlik edən Rəfail Mehrəliyev mətbuatın diqqət mərkəzindədir
Rafael Mehrəliyevin adının rabitə və MTN işində hallanması başına bəla olub.
Mehrəliyevin paytaxt meriyasında əsas gəlir sahələrindən birinə yiyələnməsini vaxtı ilə yaxın qohumu, Rabitə Nazirliyindəki sabiq aparat rəhbəri Vidadi Zeynalov təşkil etdirib.
Rafael Mehrəliyevin qardaşı Naftalanın polis rəisi işləmiş polkovnik Mübariz Mehralıyev Vidadi Zeynlovun bacısının həyat yoldaşıdır.
Məhz Mübariz Mehrəliyevin də rəis vəzifəsinə qədər irəliləməsində vaxtı ilə qaynının böyük əməyinin olduğu deyilir.
Mübariz Mehrəliyev 2015-ci ilin əvvələrində Daxili İşlər Naziri Ramil Usubovun əmri ilə polis sıralarından qovulub.
Bu barədə İsmaric.az-a verilən məlumata görə, Rafael Mehrəliyevin qardaşı Mübariz Mehrəliyev Türkiyəyə qaçıb və orada böyük biznes yaradıb.
Mehrəliyevlərin digər qohumu, meriyada “tender kralı” kimi tanınan Ramazan Məmmmədovun pullarını Türkiyəyə çıxarıb və qardaş ölkədə ciddi biznes şəbəkəsi yaratmağa nail olub.
R.Mehrəliyevin qardaşının biznesində rolu var.
Rafael Mehrəliyev isə həm öz pullarını, həm də Zeynalovun pullarını Türkiyəyə qaçan qardaşına göndərərək orada böyük biznes qurmasını tapşırıb.
Türkiyədə apardığımız araşdırmalardan məlum olur ki, Mübariz Mehrəliyev qardaşı üçün İstanbulda böyük bir restoran, bir neçə bahalı ev(dəyəri milyonlarla ölçülən) və şirkəti üçün 2 mərtəbəli ofis alıb.
Həmin ofisdə Rafael Mehrəliyevlə Vidadi Zeynalovun şərikli turizm şirkətinin fəaliyyət göstərəcəyi ehtimal olunur.
Həmçinin Azərbaycanın sərvətini talayaraq ölkədən çıxaran talançı qohumlar Bodrum və Antalya şəhərlərində torpaq sahəsi aldıqları və burada böyük bir istirahət kompleksi tikdirmək üçün işə başladıqları məlum olub.
Bakı şəhər İcra Hakimiyyətinin Mənzil-Kommunal Təsərrüfatı Departament rəhbərinin iş adamına “krişalıq” etdiyi deyilir.
Dələduzluq, vəzifə səlahiyyətlərindən sui istifadə və vəzifə saxtakarlığı maddələri ilə 12 il azadlıqdan mərhum edilən “Real” MTK-nın faktiki sahibi İlham Qasımovla bağlı daha bir ilginc məlumat daxil olub.
Həmin məlumatda bildirilir ki, keçən il Bakı Ağır Cinayətlər Məhkəməsində İlham Qasımovla bağlı keçirilən məhkəmə prosesində iş adamı və “Real” MTK-nın direktoru olan bacısı oğlu Sahil Cahangirli lahiyələrin təsdiqlənməsi üçün Bakı Şəhər İcra Hakimiyyətində 3 milyon 700 min manat rüşvət verdiklərini bildirmişdi.
İş adamı İlham Qasımovun Bakı şəhər İcra Hakimiyyətində əsas havadarı, hazırda Mənzil-Kommunal Təsərrüfatı Departamentinə rəhbəri vəzifəsini tutan Rəfael Mehrəliyev olub. İş adamı tikdirdiyi binalara görə, milyonlarla manatı məhz Rafael Mehrəliyev vasitəsi ilə BŞİH-ə çatdırdığı iddia olunur.

Şərhlər

XƏBƏR LENTİ