SON DƏQİQƏ
XalqXeber.Az » Cəmiyyət » Fatma Abdullazadə jurnalisti acıladı: "Bir də mənə zəng etməyin"

Fatma Abdullazadə jurnalisti acıladı: "Bir də mənə zəng etməyin"

Tarix:

27-07-2017, 16:32

/ 113 080 dəfə oxundu.
Fatma Abdullazadə jurnalisti acıladı: "Bir də mənə zəng etməyin"

Bu il iyunun 1-də Prezident Administrasiyasının strukturunda yeni dəyişikliklər gerçəkləşdirildi, bəzi kadr islahatları həyata keçirildi.

Bu dəyişiklik nəticəsində Prezident Adminstrasiyasında bir sıra vəzifəli şəxslər işdən azad edildi ki, onlardan biri də uzun illər Humanitar siyasət məsələləri şöbəsinin müdiri postunda çalışan Fatma Abdullazadə oldu.

F.Abdullazadə işdən çıxarılandan sonra Prezident Administrasiyasının Humanitar siyasət məsələləri şöbəsinin müdiri vəzifəsi hələ ki, boş qalır və bura yeni təyinat gerçəkləşməyib.

Xatırladaq ki, 69 yaşlı Fatma Abdullazadə uzun illərdir – 1993-dən 2017-ci il iyunun 1-dək Prezident Administrasiyasının Humanitar siyasət məsələləri şöbəsinin müdiri vəzifəsini tuturdu. Fizika-riyaziyyat elmləri doktoru olan xanım Abdullazadə 1993-2005-ci illərdə Azərbaycan Respublikası Prezidentinin İcra Aparatının Humanitar siyasət şöbəsinin müdiri vəzifələrində çalışıb. Azərbaycan Prezidentinin 19 iyul 2005-ci il tarixli sərəncamı ilə Prezident Administrasiyasının Humanitar siyasət məsələləri şöbəsinin müdiri vəzifəsinə təyin edilmişdi. Son günlər Fatma Abdullazadə ilə bağlı müxtəlif məlumatlar yayılır. Ona yeni vəzifə veriləcəyi də yayılan xəbərlər sırasındadır.

Modern.az saytı Fatma Abdullazadə ilə əlaqə saxlamağa çalışıb və buna nail olub. Ondan hazırda nə işlə məşğul olduğunu soruşulub. Öz növbəsində Fatma Abdullazadə yalnız bunları deyib:

“Nə dünyanın düz, nə də əyri vaxtlarında hansısa suala cavab vermişəm. Düşünürəm ki, danışmağa heç bir sözüm yoxdur. Zəng edib maraqlandığınıza görə çox sağ olun. Amma xahiş edirəm, bir də mənə zəng etməyin!”.

Administrasiyanın keçmiş şöbə müdiri bundan artıq heç nə demək istəməyərək, telefonu qapadıb...

Şərhlər

XƏBƏR LENTİ