SON DƏQİQƏ
XalqXeber.Az » Gündəm » Generalın İrəvana xəbərdarlığı; - Dərhal və amansızlıqla...

Generalın İrəvana xəbərdarlığı; - Dərhal və amansızlıqla...

Tarix:

23-06-2017, 09:45

/ 171 206 dəfə oxundu.
Generalın İrəvana xəbərdarlığı; - Dərhal və amansızlıqla...

Ermənilər ən yaxın saatlarda Azərbaycandan daha ağır zərbələr almağa hazır olmalıdırlar.

Bu sözləri son günlər ermənilərin cəbhədə fəallaşmaları ilə bağlı danışan hərbi ekspert Üzeyir Cəfərov deyib. Ekpert bildirib ki, ermənilər çox həyasızcasına Azərbaycanı təxribata çəkmək istəyirlər:

“Erməniləri bu dəfə Azərbaycan əsgərinin cəngindən heç kim xilas edə bilməyəcək. Hətta İrəvanı üzləşəcəyi vəziyyətdən nə Rusiya, nə ABŞ, nə beynəlxalq qurumlar qurtara biləcək. Baxın, hazırda Azərbaycan 23 minlik şəxsi heyətlə hərbi təlimlər keçirir. Ermənilər sanki istəyirlər ki, bu 23 minlik ordu bunların daşını daş üstə qoymasın”.

Azərbaycanın səbir nümayiş etdirdiyini bildirən ekspert Müdafiə Nazirliyinin Ermənistana son xəbərdarlığına da toxunub:

“Dünən müdafiə naziri Ermənistana növbəti dəfə xəbərdarlıq etdi. Əgər Ermənistan özünə hörmət etsəydi, o aparatı (Ötən gün cəbhədə məhv edilən Ermənistana məxsus PUA nəzərdə tutulur – red.) indiki məqamda havaya qaldırmazdı. Hazırda o aparatdan Belarus, Rusiya və bəzi orta Asiya respublikalarında kənd təsərrüfatında və gündəlik həyatda istifadə edirlər. Bu bədbəxtlər Azərbaycana qarşı oyuncaq aparatı havaya qaldırırlar və düşünürlər ki, Azərbaycan onların səviyyəsinə enəcək. Yaxud da Xankəndində iki nəfərlik birmotorlu oyuncaq effekti verən təyyarə ilə guya hansısa turist gəzintisi təşkil edirlər.

Ermənilər bu gün ləyaqətlərini o qədər itiriblər ki, Azərbaycan Silahlı Qüvvələri tərəfindən əsir götürülən kəşfiyyatçılarından da imtina edirlər. Aydın məsələdir ki, Baş nazir Karen Karapetyan və Ermənistanın hərbi siyasi rəhbərliyi çox çətin durumdadır və ona görə də hər vasitəylə Azərbaycan Silahlı Qüvvələrini təxribata cəlb etmək istəyirlər”.

Ekspert bildirib ki, Azərbaycanın səbri Ermənistanın təxribatının başladığı yerə qədərdir:

“Cəbhədə hərbi təxribatın qarşısı dərhal və amansızlıqla alınır. Buna görə də düşünürəm ki, növbəti təxribat hazırlayan Ermənistan Azərbaycan Ordusunun daha ağır zərbələrini nəzərə almalıdırlar”.

Şərhlər

XƏBƏR LENTİ