SON DƏQİQƏ
XalqXeber.Az » Bölgə » Masallı rayon Ərkivan bələdiyyəsinin sədri müxtəlif yollarla hərbi xidmətdən yayınır – ARAŞDIRMA

Masallı rayon Ərkivan bələdiyyəsinin sədri müxtəlif yollarla hərbi xidmətdən yayınır – ARAŞDIRMA

Tarix:

13-04-2017, 14:17

/ 112 910 dəfə oxundu.
Masallı rayon Ərkivan bələdiyyəsinin sədri müxtəlif yollarla hərbi xidmətdən yayınır – ARAŞDIRMA

Masallı rayon Ərkivan bələdiyyəsinin sədri Anar Rəcəbov 1999-cu ildən bu yana hərbi xidmətdən yayınmaq məqsədilə saxta sənəd əldə edib

Bu barədə Masallı rayon sakini Afər Cahangirov tərəfindən redaksiyamıza məlumat daxil olub.
Belə ki, Anar Rəcəbov 1999-cu ildə hərbi xidmətə yollanma yaşı çatdığı zaman 260 saylı qərarın 22-ci maddəsinin "C" bəndinə uyğun olan(bu kateqoriyaya beyin travmaları olan şəxslər daxildir) saxta sənəd əldə etmişdir.
Məsələnin ilginc tərəflərindən biri, hərbiyə "yararsız" olan Anar Rəcəbovun 23 dekabr 2014-cü il seçkilərində 71 saylı Masallı kənd - seçki idarəsi tərəfindən Ərkivan bələdiyyəsinin sədri postuna təyin olunmasıdır.
Qanunvericilikdən hər kəsə məlumdur ki, hərbi xidmətə yararsız olan şəxslər vəzifə sahibi ola bilməzlər.
Sakinlər bu məsələ ilə bağlı dəfələrlə 71 saylı Masallı kənd - seçki idarəsinə şikayət etsələr də müraciətləri cavabsız qalıb.
Rayon sakinləri bildirirlər ki, hərbi xidmətdən yayınmaq üçün saxta sənəd əldə edən bir şəxsin Ərkivan rayonuna rəhbərlik etməsi düzgün deyil.
"Hərbi xidmətdən yayınan bələdiyyə sədri bizim gənc nəsildə vətənpərvərlik ruhunu aşağı salır. Sabah onların da əsgərlik yaşı çatanda, kimə baxıb nümunə götürəcəklər?!"
Anar Rəcəbovun yol verdiyi qanunsuzluqlar Afər Cahangirovu və Ərkivan qəsəbəsinin ağsaqqalarından olan Şəmsəddin Mikayılovu hərəkətə keçirib.
Onların Hərbi Prokurorluğa etdikləri müraciətə 1 noyabr 2016-cı ildə cavab gəlib. Hərbi Prokurorluqdan gələn cavabda qeyd olunub ki, Anar Rəcəbov Mərkəzi Hərbi Həkim Komissiyasının yoxlamasından keçib və hərbi xidmətə tam yararlı hesab olunub.
Onlar məsələ ilə bağlı Prezident Adminstrasiyasına müraciət ediblər və Səfərbərlik və Hərbi Xidmətə Çağırış üzrə Dövlət Xidmətinə bu barədə məlumat verilib.
Həmin müraciət Səfərbərlik və Hərbi Xidmətə Çağırış üzrə Dövlət Xidmətində araşdırılıb və bəlli olub ki, Anar Rəcəbov Masallı rayon şöbəsində qeydiyyatdadır və 2017-ci ilin yanvar çağırışında hərbi xidmətə cəlb olunacaq.
Ancaq Anar Rəcəbov bu dəfə də hərbidən yayınmağın alternativ yolunu tapıb. Belə ki, 35 yaşının tamam olmasına bir neçə ay qalmış A.Rəcəbovun son çıxış yolu 2 övladı olduğu halda, 3-cü övlad sahibi olmaqla hərbi xidmətdən yayınmaq idi.
Şikayətçi bildirir ki, Anar Rəcəbov külli miqdarda vəsaiti gözdən çıxararaq, saxta yollarla həyat yoldaşının 3-cü uşağa hamilə olduğu ilə bağlı sənəd əldə etmək istəsə də, Ərkivan qəsəbə sakinlərinin narazılığı və şikayətləri nəticəsində bunun qarşısı alınıb.
29 noyabr 2016-cı ildə Masallı Rayon Məhkəməsinə müraciət edən Anar Rəcəbov bacısının maddi durumunun aşağı olması səbəbilə uşaqlarından birinə kömək məqsədilə övladlığa götürmək istədiyini deyib.
Belə ki, şikayətçi bildirir ki, Masallı Rayon Məhkəməsinin hakimi Anar Alməmmədov və Masallı rayon qəyyumluq şöbəsinin müdiri Məmmədhüseyn Məmmədova müəyyən məbləğdə pul təklif edən A.Rəcəbov sonunda bacısının oğlunu övladlığa götürməyə nail olub.
Anar Rəcəbov sağlamlıq haqqında arayışı da qeyri-qanuni yollarla sağlamlıq haqqında arayış əldə edərək ali məktəbə qəbul olub və hətta məzun olub.
Məsələyə münasibətini öyrənmək üçün Anar Rəcəbov ilə əlaqə saxladıq. A.Rəcəbov bildirdi ki, haqqımda deyilən bütün ittihamlar kökündən yalandır:
“Həmin şəxsləri mən özüm də tanıyıram. Dəfələrlə haqqımda yazıblar, qurumlara müraciət ediblər. Amma mən qanundankənar heç bir iş görməmişəm. 1999-cu ildə 11-ci sinifdə oxuyurdum, məktəbi qutarandan sonra universitetə qəbul olmuşam, ali təhsilimi başa vurduqdan sonra magistraturaya qəbul olunmuşam.
3 ildən bir həkim komissiyasından keçirəm. Son komissiyadan sağlam çıxdım.
İndi isə öhdəliyimdə 3 uşaq var deyə mənə hərbi möhlət veriblər. Bütün prosedurlar qanun çərçivəsində aparılıb.
3-cü uşağı övladlığa götürəndə məhkəməyə müraciət etdim və uşağı götürdüm.”- deyə Anar Rəcəbov bildirdi.

Şərhlər

XƏBƏR LENTİ