yüklənir...
yüklənir...

SON DƏQİQƏ

XalqXəbər.Az
yüklənir...
yüklənir...

Goranboy Təhsil Şöbəsinin müdiri qanunu və nazirin təlimatını saymır- ŞİKAYƏT

Goranboy Təhsil Şöbəsinin müdiri qanunu və nazirin təlimatını saymır- ŞİKAYƏT
1-04-2017, 01:04 36 833 dəfə baxılıb

Goranboy rayon Təhsil Şöbəsinin müdirindən şikayət var.

Müraciət edən Goranboy Rayonu Qızılhacılı qəsəbə Mahir Dosiyev adına 2 saylı orta məktəbin müəllimi Nəzərov Seymur bildirir ki, rayon təhsilində baş verənlərlə bağlı təhsil naziri Mikayıl Cabbarova müraciət də ünvanlayıb. Onun sözlərinə görə, rayon Təhsil Şöbəsinin müdiri Səxavət Məmmədov kadrlarla iş üzrə məsləhətçi Zaur adlı şəxslə əlbir olub qurumu bazara çevirib: “Təhsil haqqında qanun”a və Təhsil Nazirliyinin əsasnaməsonə görə, rayon Təhsil Şöbəsində metodist işləmək üçün azı 5 il pedaqoji təcrübə tələb olunur. Lakin Goranboy rayon Təhsil Şöbəsinin müdiri heç bir qanun tanımır və bir neçə şəxsi bir gün belə pedaqoji təcrübəsi olmadan şöbəyə metodist olaraq müddətli və ya müddətsiz şərtlərlə işə götürüb. Goranboy rayon Borsunlu kənd orta məktəbinin 100 nəfərdən artıq pedaqoji kollektivi olduğu halda kollektivdən bir nəfər direktor əvəzi təyin etməyib. Halbuki təhsil nazirinin təlimatına əsasən direktor əvəzi ilk öncə təhsil müəssisəsinin kollektivindən seçilməlidir. Bu təlimatı pozan S.Məmmədov həmçinin Veyisli kənd orta məktəbin müəlliməsi və psixoloq əvəzi işləyən bir şəxsi Borsunlu kənd 2 saylı məktəbə direktor təyin edib. Təbii ki, burada da hörmətli müdirin şəxsi tələblərinə cavab vermək əsas rol oynayıb”.

S.Nəzərov daha sonra qeyd edir ki, Goranboy rayonu Məşədiqaralar kənd orta məktəbinə direktor əvəzi götürülən şəxsin diplom ixtisası ibtidai məktəblərdə psixoloqdur: “Dövlət qulluğu haqqında” qanuna əsasən, dövlət qulluğuna qəbul üçün vəzifələr vakant olaraq Dövlət İmtahan Mərkəzinə təqdim olunmalı və namizədlər müsabiqə və müsahibədən keçdikdən sonra vəzifəyə təyin olunmalıdır. Amma Goranboy Təhsil Şöbəsindəki “məsləhətçi” vəzifəsinə şəxsən müdirin istədiyi adamlar təyin olunurlar və heç bir vakansiya verilmir. Rayonda kifayət qədər istedadlı və savadlı kadrlar var və onların imtahandan keçəcəyi şübhəsizdir, lakin imtahan təşkil olunmur”.

Şikayətçi bildirir ki, Goran qəsəbə ümumi orta məktəbin direktoru Ramil Alıyev rəhbərlik etdiyi müəssisəni ata-baba mülkü kimi idarə edir: “Direktor vəzifəsi və 12 saatlıq dərs yükü öz adınadır. Üstəlik, həyat yoldaşı biologiya müəllimi olduğu halda məktəbin əksər dərs yükü, kimya fənninin tədrisi, sinif rəhbərliyi, dərsdən sonra dərnək saatları, fakultətiv saatlar (ləğv olunana qədər) ancaq onun adına yazılıb. Hətta istilik sisteminə nəzarət edən işçi kimi atasının adını yazıb əməkhaqqını mənimsəyib”.

Şikayətçi M.Cabbarovdan bütün qeyd edilənlərlə bağlı tədbir görülməsini xahiş edir.

AFN


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər: Goranboy, Təhsil, rayon, təyin, əvəzi, məktəbin, direktor, təhsil, şəxsi, pedaqoji, sonra, Şöbəsinin, bağlı, metodist, Şikayətçi, əsasən, Məmmədov, müdiri, Nəzərov, qədər
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

24-11-2017

BÜTÜN XƏBƏRLƏR

Sunayla Hüquqdan Danış

[email protected]


/sunayla_huquq_danish/

GÜNDƏM
KÖŞE YAZARLARI
yüklənir...
İDMAN
ŞOU-BİZNES
DÜNYA
FACEBOOK SƏHİFƏMİZ
SON DƏQİQƏ