yüklənir...
yüklənir...

SON DƏQİQƏ

XalqXəbər.Az
yüklənir...
yüklənir...

Tovuzun dizi nədən büküldü... - Başçıya ittiham var

Tovuzun dizi nədən büküldü... - Başçıya ittiham var
25-03-2017, 12:23 561 dəfə baxılıb

İcra başçısının «ailə konserni» Tovuzdakı bütün maliyyə mənbələrini öz nəzarəti altında saxlayır

Bir rayonda iki ən önəmli vəzifənin yaxın qohumlara aid olması qanunla qadağan olunsa da, Tofiq Zeynalov və Mahir Həsənov cütlüyü Tovuzda tam bir «ailə konserni» yaradıblar.

Azərbaycanda elə rayonlar var ki, həmin rayonları bir mənalı olaraq «ailə podratı» adlandırmaq olar. Yəni bir icra başçısı rayondakı bütün vəzifələri öz qohum əqrabası arasında bölüşdürür və rayon tam olaraq bir klanın şəxsi malı kimi idarə olunur. Xüsusən də, icra başçısı yerli olduqda həmin rayonda bütün vəzifələr icra başçısının qohumları arasında bölüşdürülür. Amma məsələ tək vəzifələrin bölüşdürülməsi ilə bitmir. Bir qayda olaraq həmin rayonlarda dövlət büdcəsindən ayrılan vəsaitlər mənimsənilir. Üstəlik həmin rayonlarda sosial ədalətsizlik və istismar ən üst səviyyədə inkişaf edir.

Qeyd edək ki, qohumların monopoliyası altında olan rayonlar Azərbaycanda onlarladır. Bu gün həmin rayonlardan biri olan Tovuz rayonu barədə danışacağıq. Bundan əvvəl də Tovuz rayon İcra Hakimiyyətinin başçısı Tofiq Zeynalovun özünün birinci müavini Mahir Həsənovla quda olduğunu yazmışdıq. Bir rayonda iki ən önəmli vəzifənin yaxın qohumlara aid olması qanunla qadağan olunsa da, Tofiq Zeynalov və Mahir Həsənov cütlüyü Tovuzda tam bir «ailə konserni» yaradıblar.

Məlumatlanıdran mənbənin sözlərinə görə rayondakı irili-xırdalı bütün vəzifələr bu iki şəxsin yaxın qohumları arasında bölüşdürülüb. Ən əsası isə bu «ailə konserni» Tovuzdakı bütün maliyyə mənbələrini öz nəzarətləri altında saxlayırlar. İlk olaraq onu qeyd edək ki, hər bir rayonda aparıcı qurumlardan biri olan Maliyyə İdarəsinə Tovuzda icra başçısının yaxın qohumu Mübariz Salmanov rəhbərlik edir. Ötən yazımızda qeyd etmişdik ki, Tovuz rayon Icra Hakimiyyətinin basçısı Tofiq Zeynalovla birinci muavini və həmçinin qudası Mahir Həsənovun şərikli şirkəti olan "Qovlar Təmir Tikinti” MMC son iki ildə 20 milyon manatlıq tenderin qalibi olub. Həmin vəsaitin hara və necə xərclənməsi haqqında isə heç bir şəffaflıq yoxdur və təbii ki, əlaqədar qurumlar bu barədə araşdırmalar aparırarlarsa, o zaman tükürpədici vəziyyətlə üzləşmələri qaçınılmaz olar. 20 milyon mant vəsaitin 3 il müddətində heç kimin tanımadığı "Qovlar Təmir Tikinti” MMC-nin köçürülməsində təbii ki, Mübariz Salmanovun böyük rolu olub. Və bu vəsaitin necə xərclənməsi ilə bağlı məsuliyyət daşıyan şəxslərdən biri də məhz Mübariz Salmanovdur.

Ancaq təkcə məsələ bunula bitmir. Daxil olan məlumatda bildirilir ki, son 3 ildə Tovuzda bağçaların təminatı və təmiri üçün ayrılan bütün vəsaitlər mənimsənilib. Yalnız cüzi şəkildə ərzaq üçün vəsait ayrılır. Bu isə ümumi vəsaitin ancaq 10 faizi edir. Bağçaların vəziyyəti isə doğurdan acınacaqlıdır. Xüsusi ilə də kənd bağçaları. Burda faktiki olaraq antisanitariya hökm sürür. Amma sənədlərə baxılarsa, bağçaların təminatı və təmiri ən yüksək səviyyədədir. Bütün bu rəzalətin baş verməsinin səbəbkarı isə Tofiq Zeynalovla yaxın qohumu, Maliyyə İdarəsinin müdiri Mübariz Salmanovdur.

Mənbə qeyd edir ki, Mübariz Salmanov Tofiq Zeynalovun göstərişi ilə ildə ən azı iki dəfə maliyyə idarəsindən Tovuz kənd icra nümayəndələrinə müxtəlif avadanlıqların alınması adı altında vəsaitlər ayırır. Ayrılan vəsaitlərin 30 faizi nəğd şəkildə icra başçısının adından kəsilir, yerdə qalan 70 faizin 30 faizi isə Mahir Həsənovla Mübariz Salmanov tərəfindən götürülür. Xatırladaq ki, rayonda Tovuz və Qovlar şəhərləri və 102 kənd var. Rayonda 43 inzibati ərazi dairəsi və 41 bələdiyyə mövcuddur. Bu kəndlərdəki bələdiyyə sədrlərinin, icra nümayəndələrinin əksəriyyətinin də, ya Tofiq Zeynalovun, ya da birinci müavin Mahir Həsənovun qohumu olduğu bildirilir. Yəni faktiki olaraq icra başçısının rəhbərliyi ilə bir neçə nəslin nümayəndəsi Tovuza ayrılan bütün maliyyə vəsaitlərini mənimsəyir və nəticədə dövlət büdcəsinə hər il külli-miqdarda ziyan vururlar. Xatırladaq ki, ölkə prezidenti cənab İlham Əliyev son çıxışlarında dəfələrlə məmurlara xəbərdarlıq edib. Dövlət başçısı dəfələdrlə dövlət büdcəsinin məməurlar tərəfindən talanmasını qeyd edib. Bir müddət əvvəl Beynəlxalq Bankla əlaqədar yaranan qalmaqal da vəziyyətin nə qədər dramatik olduğunu və prezidentin nə qədər haqlı olduğunu ortaya qoydu. Hazırda əvvəl Beynəlxalq Bankla əlaqədar yaranan qalmaqalla bağlı istintaq işləri aparılsa da, bəzi məmurlar bundan ibrət dərsi götürmür və talançılıqlarını davam etdirirlər. Ən əsası isə qohumların «ağalıq» etdikləri rayonlarda istimar və sosial ədalətsizlik son həddə çatıb ki, bu da əhalinin hakimiyyətə olan etibar və inamını faktiki olaraq sarsıdır. Və bu şəraiti yaradanlar, yəni əhalini hakimiyyətdən narazı salanlar heç bir şeyə baxmadan xalqı istimar edən və dövlət büdcəsini ata malları kimi talayan məmurlardır. Bu məmurların qarşısı alınmalıdır ki, Azərbaycan xalqı da istimardan qurtulsun və təməlli sabit inkişafa sahib olsun.

Qeyd edək ki, oxucularımız Tofiq Zeynalovun digər yaxın qohumu Suvarma Sistemləri İdarəsi müdiri Namiq Əliyevin talançı və istismarçı fəaliyyəti ilə tanış olacaqlar. Həmçinin Tovuzda əhalinin ağınacaqlı vəziyyəti ilə bağlı faktlarla tanış olacaqsınız. Bizi izləməkdə davam edin.

Qarşı tərəfin mövqeyini dərc etməyə hazırıq.

azmedia


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

23-11-2017

BÜTÜN XƏBƏRLƏR

Sunayla Hüquqdan Danış

[email protected]


/sunayla_huquq_danish/

GÜNDƏM
KÖŞE YAZARLARI
yüklənir...
İDMAN
ŞOU-BİZNES
DÜNYA
FACEBOOK SƏHİFƏMİZ
SON DƏQİQƏ