SON DƏQİQƏ
XalqXeber.Az » Bölgə » BEYLƏQAN TƏHSİLİNİN ƏN AMBİSİOZ LEDİSİ – Raisə İsgəndərova

BEYLƏQAN TƏHSİLİNİN ƏN AMBİSİOZ LEDİSİ – Raisə İsgəndərova

Tarix:

1-10-2018, 17:01

/ 3 528 dəfə oxundu.
BEYLƏQAN TƏHSİLİNİN ƏN AMBİSİOZ LEDİSİ – Raisə İsgəndərova

Raisa isgəndərova 2006-ci il tarixdən 2015-ci il 06 fevral tarixə kimi Beyləqan rayon İcra Hakimiyyətində İcra başçisinin muavini – İctimai siyasi və humanitar məsələlər söbəsinin mudiri vəzifəsində işləyib. 06 fevral 2015-ci il tarixində icra başçısı Vaqif Abdullayev tərəfindən işdən kənarlaşdırılan R.İsgəndərova cəmi 3 gün sonra Təhsil söbəsinin sabiq mudiri Tofiq Sadiqovun əmri ilə Beyləqan şəhər Təbiət və humanitar fənlər təmaullu liseyə qeyri-qanuni olaraq direktor təyin edilib. Belə ki, lisey və kollec direktorları birbaşa təhsil naziri tərəfindən təyin edilməli olduğu halda Tofiq Sadıqov nədənsə buna ehtiyac duymamış və təhsil nazirinin səlahiyyətlərini mənimsəyərək təyinatı şəxsən özü vermişdi. Yəqin bu səhvini başa düşən sabiq təhsil müdiri 7 iyul 2015 ci tarixdə R.İsgəndərovanı tutduğu vəzifədən uzaqlaşdırmışdır.
Səbəb kimi R. İsgəndərovanın yetərli təhsil stajının olmadığı göstərilmişdi. Təbii ki, o vaxtlar R.İsgəndərova istər RİH-dəki vəzifəsindən, istərsə də Lisey direktorluğundan əli çıxandan sonra sakit oturmamış, təhsil şöbəsi müdirinin, RİH başçısının, rayon prokurorunun guya ona qarşı qərəzli mövqedə olmaları barədə Prezident Administrasiyasına “donos” yazmışdı, onları ölkə mətbuatında şantaj etməyə çalışmışdı.
Əldə etdiyimiz məlumatlara görə, hətta Raisə İsgəndərovanın həyat yoldaşı Bəhruz bir neçə dəfə Prezident Aparatına icra başçısından şikayət məktubu yazaraq onu korrupsiyada və özbaşınalıqda ittiham etmişdi.
Nəhayət, R.İsgəndərovanın qaraqışqırığından bezən V.Abdullayev onu Rayon Təhsil Şöbəsində inspektor vəzifəsinə təyin etdirdi. Olduqca ambisioz persona kimi tanınan R.İsgəndərova zaman-zaman rayon təhsil şöbəsinə müdir vəzifəsinə də iddiasını ortaya qoyub. Lakin, göstərdiyi bütün çabalara baxmayaraq, bu arzusunu gerçəkləşdirə bilməyib. İnspektor vəzifəsi ilə qane olmayan R.İsgəndərova keçən il Azərbaycan Təhsil İşçiləri Azad Həmkarlar İttifaqının Beyləqan rayon komitəsinə sədr “seçilmək” üçün cəhdlər edib. Hətta “yuxarıda” bəzi ixtiyar sahibləri ilə sövdələşdiyi deyilsə də, sonucda bu niyyəti də reallaşmayıb. Dövlət qulluğu təcrübəsi olsa da, pedaqoji fəaliyyətinin olmadığını əsas göstərib etiraz edənlər çox olub. Böyük arzularını həyata keçirə bilməsə də, əvvəl itirdiyi Lisey direktoru vəzifəsini qaytarmağa qərar verib. Və yenə də demaqogiya hesabına istədiyinə nail olub – onu müvəqqəti olaraq Liseyə direktor təyin ediblər.
İndi – R.İsgəndərova direktorluq etməyə başlayandan bu yana Liseyin binasına giriş müşgül məsələyə çevrilib. Bilinmir ki, direktor şagirdləri kənar şəxslərdən qoruyur, yoxsa özünü valideynlərdən.
Beyləqanın başqa təhsil müəssisələrində belə hal yoxdur. Hətta icra başçısının qəbuluna düşmək də müqayisədə çox asan görünür.
Rayonda reputasiyası rəğbət doğurmayan Səid adlı bir nəfəri liseyə gözətçi vəzifəsinə təyin edilməsi isə birmənalı qarşılanmayıb. Belə ki, Səidin yüngül həyat tərzi keçirməsi, dəfələrlə əxlaqsızlıq yuvalarında yaxalanması, son anda tapşırıq və ya başqa hansısa yolla polisin cəngindən qurtulması rayonda hamıya məlumdur. Bu cür yarım-manyak birinin şagirdlərinin çoxunu qızlar təşkil edən liseyə gözətçi təyin edilməsi haqlı olaraq şagirdlərdə və onların valideynlərində ciddi təşviş doğurur və “qoyunu qurda tapşırmaq” kimi qəbul olunur.
Oxucularımızla irəlidəki görüşlərimizdə R.İsgəndərovanın yaratdığı “gestapo” mühafizə sistemi ilə nələri gizlətməyə çalışdığını, liseydə aparılan pul yığımı kampaniyalarını detalları ilə açıqlayacağıq.

obyektiv.info

Şərhlər

XƏBƏR LENTİ