Şəki rayonun Baş Göynük kənd sakinlərindən Məmmədov Rafiq Rəhim oğlu və digərləri tərəfindən Prezident İlham Əliyevə və kənd təsərrüfatı naziri İnam Kərimova müraciət ünvanlanıb. Bir nüsxəsi də dia.az-a daxil olan müraciətdə deyilir:
"2016-cı ildən tütünçülüyün inkişafı üçün dövlət dəstəyi olaraq emal müəssisələrinə satılan quru tütünün hər kq-na və yaş tütünün hər 10 kq-na 0,05 AZN məbləğində subsidiya verilir. Kənd Təsərrüfatı Nazirliyi tək bizim yaşadığımız Baş Göynük kəndindəki 66 fermerə 2017-ci il üzrə 42 ton quru, 211 ton yaş tütünə görə 31.6 min manat subsidya ayırmışdır. Lakin nəzərdə tutulan əkiləsi hər ha yer üçün yanacaq və motor yağına görə veriləsi hər ha üçün 40 manant subsidiyanı,güzəştlə veriləsi gübrə subsidiyasını bizə vermirlər.(bazarda satırlar) Ona görə də əldə etdiyimiz gəlir - çəliıən xərcləri ödəmir.Bizdən çoxlu yersiz sənədlər tələb edirlər ki, vaxtında güzəştli kredit ala bilmirik. Kredit üzünə həsrət qalmışıq.
Mütəxəssislər KTN-nə yalan rəy verirlər ki, tütünün hər ha-na 1750 manant, pambığın isə 2500 manat maya dəyəri olur. Əslində isə tütünün reallıqda maya dəyəri hər ha-a 2500 manatdır. Bunu qəsdən edirlər ki, satınalma dəyəri aşağı olsun.
Biz fermerlərdən dövlətin ayırdığı bu 5 qəpiklik subsidiyaları almaq üçün çoxlu sənəd tələb edirlər. Dekabr ayında lası pulu bu sənədləşməyə görə ləngidib mart ayında verirlər ki, bu da işi ləngidir. Bu problemi isə “Aqrokredit” və yerli emal müəssisələri qəsdən yaradırlar Biz də fəhlənin pulunu vaxtında ödəyə bilmirik.
Tütünün maya dəyəri real qiymətlə, hər ha-a 2500 manatdan hesablansa o zaman yaş tütünün də hər kq-na 30 qəpikdən hesablanar. İndi də Şəki tütün emalı müəssisələri bizlərə şərt qoyur ki, tütün yarpağının 4-cü və 5-ci qırımından sonrakı məhsulları qəbul edəcəklər.O zaman yerdə qalan tütünü biz hara edək? Onların bu şərtləri özbaşnalıqdır. İlin ortasında bu ağır şərtlərə görə biz nəinki mayanı çıxaracağıq, hələ banklara borclu qalacağıq.
Cənab Prezidentdən xahiş edirik ki, əkdiyimiz hər ha sahəyə görə son illər bizə verilməli olan lakin mənimsənilmiş 40 manat pulların və güzəştli gübrələrinbizə verilməsini, tütünün maya dəyərinin düzgün real hesablanmasına və yerli tütün emalı müəssisələrinin şərtləri öz xeyrinə dəyişdirən özbaşnalıqlarının qarşısının alınması üçün göstəriş verəsiniz. Sağ olun.
XÜSUSİ QEYD: Əgər avqustun 15-dək yuxarıda qeyd etdiklərimiz korrupsiya və özbaşnalıq halları həll olunmasa o zaman biz fermerlər Şəki-Qax magistral yolunun İnçə-Aşağı Göynükə qədər olan 8 km hissədəki asfalta yaşıl tütün yarpaqlarını tonlarla gətirib səpələyərək etiraz edəcəyik. O zaman qoy bizlərə çatası əkinə, gübrəyə, tütünə görə dövlətin ayırdığı subsidiyaları mənimsəyən məmur kişiciyəzlər bir az utansınlar.
İMZALAR: Məmmədov Rafiq Rəhim 050-519 21 10,
Səfərəliyev Abid Cavan, Abdurahmanov Zabit Bəxtiyar,Mustafayev Mehman Xancan, Şərifov Natiq Məmməd,Səfərov Əbülfət Elxan, Səfərov Həsən Əbülfət, Salamov Xəlil İsgəndər, Babayev Eldəniz Cəlil, Babayev Elçin Nəriman, Mustafayev Əlövsət Həmzət, Mustafayev Məmməd Həmid, Məmmədov Arif Həmid, İsmayılov Yasin Eldar, Məmmədov Şirin İsmayıl, Çərçəzov Nadir Nəsrullah oğlu"
