yüklənir...
yüklənir...

SONDƏQİQƏ

XalqXəbər.Az
yüklənir...

Bərdədə bir evdə işıq yanır: Vidadi Babayev rayonu zülmətə qərq edib

Bərdədə bir evdə işıq yanır: Vidadi Babayev rayonu zülmətə qərq edib
21-02-2017, 00:18 807 dəfə baxılıb

Bərdə Rayon Enerji Satışı və Təchizatı İdarəsi rəisi təkcə öz yaşadığı evə fasiləsiz işıq verir

Şikayət edən sakinlərin sözlərinə görə, idarə rəisi Vidadi Babayevin mənzilində işıqlar gur-gur yanır.

Rəisin çil-çırağı yansa da, abonentlərin günü qaradır. “Azərişıq” ASC sədri Baba Rzayevə üz tutan bərdəlilər yeni rəis təyinatı gözləyir.

Çünki Bərdədə tez-tez işıqlar sönür, fasilələrlə verilir, evlərdə soyuducular, elektrik sobaları sıradan çıxır, mənzillər donur, ütü, fen kimi məişət texnikası xarab olur. Sakinlər rayon İşıq İdarəsinin müdiri Vidadi Babayevdən ciddi şəkildə narazıdır.

Buna səbəb abonentlər qeyri-qanuni borcların yazılması, işıq təchizatında fasilələr, kəndlər və ətraf ərazilərdə işıqların tez-tez sönməsi, şikayətə gələnlərin isə kobud şəkildə təhqir olunmasıdır. Bərdədə yalnız məmur evi çıl-çıraqdır, bütün rayon isə zülmətə qərq olub.

Bərdə camaatının gününü zindan edən V.Babayev şikayətçiləri hədələyir və onları qapıdan içəri buraxmır. Abonentlərə qarşı kobud rəftarı və danışığı ilə rayonda tanınan bu məmur yuxarı instansiyalardan qorxmur.

Sakinlər deyirlər ki, V.Babayevin rayonda böyük biznes imkanları var.

Onun xeyli sayda obyektləri fəaliyyətdədir. İddia olunur ki, işıq idarəsi müdiri əldə etdiyi gəlirlərdən öz kommersiya şəraitini qurub. Bu azmış kimi, qaba xarakterə malik olan idarə rəisinin öz obyektlərində enerji istifadəsində maxinasiyalara yol verildiyi iddia edilir.

Sakinlər deyirlər ki, Bərdə məcburi köçkünlərin yaşadığı rayonlardandır. Köçkünlər kasıb vəziyyətdə yaşayır. Onların işığının tez-tez kəsilməsi ilə gününü daha da zindan edirlər.

Onu da deyək ki, məcburi köçkünlər və onlara bərabər tutulan şəxslər üçün vahid aylıq müavinətin müəyyən edilməsi haqqında” Azərbaycan Respublikası Prezidentinin Fərmanı verilən müddətdən indiyədək, məcburi köçkünlərin məskunlaşdığı mənzillərə 5 min 700 elektrik sayğacı quraşdırılıb.


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

20-09-2018

BÜTÜN XƏBƏRLƏR
GÜNDƏM
yüklənir...
FACEBOOK SƏHİFƏMİZ
SONDƏQİQƏ