SON DƏQİQƏ
XalqXeber.Az » Bölgə » Ağstafada müharibə veteranının ailəsinə 475.20 manat məbləğində borc tələbi - Azəriqazdan

Ağstafada müharibə veteranının ailəsinə 475.20 manat məbləğində borc tələbi - Azəriqazdan

Tarix:

15-01-2018, 17:21

/ 1 717 dəfə oxundu.
Ağstafada müharibə veteranının ailəsinə 475.20 manat məbləğində borc tələbi - Azəriqazdan

Ağstafa rayonunda maye qazın verilməsinə dair daha bir şikayət. Borclanan, belə demək mümkünsə kasıb və məzlum bir kənd sakininə qarşı irəli sürülən absurd tələbi oxuduqda belə məlum olur ki,bu rayonda nəğd hesablaşma qaydasında ödənilən,o cümlədən kommersiya strukturlarına satılan maye qazın dəyəri mənimsənilir,sonda da abonentlərin "ayağına" yazılmaqla ört-basdır edilir.
Azəriqaz İB-nin Şəmkir Regional Qaz İstismar İdarəsinin Ağstafa Texniki Sahəsi tərəfindən əsassız 475.20 manat məbləğində yazılan cəriməni və 91.21 manat sayğac dəyərini ödəmək imkanı olmayan müharibə veteranı, mərhum Qurbanov Məcid Avdıl oğlunun həyat yoldaşının dilindən aidiyyatı orqanlar yaradılan problemi oxusun. Hazırda məhkəmə predimeti olan bu haqsız tələbə dair daxil olan məktubu olduğu kimi dərc edirik:

Xətai rayon Məhkəməsinə iddiaçı Qurbanova Lalə Vəli qızı Ağıstafa rayon Qıraq Kəsəmən kənd sakini tərəfindən.Tel.050 512 6478(0222268331)

Cavabdeh:ARDNŞ-in "Azəriqaz" İstehsalat Birliyi.Y.Səfərov küçəsi 35.Xətai rayonu.AZ 1025 Bakı.Tel 012 5212283

İddia ərizəsi
( əsassız borcun silinməsinə dair )

Mən Qurbanova Lalə Vəli qızı Ağstafa rayon Qıraq Kəsəmən kəndində yaşayıram.Bildirmək istəyirəm ki, bir Azərbaycan vətəndaşı kimi məndə evimdə mavi yanacaqdan istifadə edirəm.İlk dəfə bizim evə qaz sayğacı 05.08.2010 –cu ildə həyat yoldaşım, müharibə veteranı, mərhum Qurbanov Məcid Avdıl oğlu ilə Azəriqaz İB-nin arasinda bağlanmış müqavilə əsasında qoyulub. 05 may 2014 –cü ildə sayğac Azəriqaz İB –i tərəfindən yeni Elster tipli 7607849 nömrəli sayğacla əvəzlənib. Sonradan sayğac həyət daxilindən cıxarılaraq evdən kənarda, hasardan çölə tərəf, evə giriş qapısından 12-13 metr aralı, yer səthindən 1,40 metr yüksəklikdə, azyaşlı uşaqların əli çatacağı, bir başa günəş şüalarının və yağış suyunun təsirinə məruz qalan bir yerdə quraşdırılıb.
Onuda qeyd edim ki evimiz kəndin mərkəzi küçəsində yerləşir. Gün ərzində bu yoldan ağır,yüng-ül avtomobil və texnikalar istifadə edir. İnsanların gediş-gəlişi bu küçədə çox olur. Qaz sayğacının heç bir qoruyucu qutusu yoxdur. Sayğac quraşdırılan zaman belə hallar nəzərə alınmalıdır.Qoruyucu qutunun da kim tərəfindən alınıb quraşdırılması haqqında məlumatım yoxdur. 05.08.2010 –cu ildən 31 may 2017-ci ilə qədər bizimlə Azərqaz İB-yi arasında təbii qazdan istifadə, istismar və ödənişlə bağlı heç bir çətinliyimiz olmayıb. Nümunəvi abonentlərdən biri olmuşuq.
Hal-hazırda evdə mən və oğlum yaşayır.Vaxtlı-vaxtında işlətdiyimiz mavi qazın dəyərini ödəyirik.Özümdə ayda 120 Azn təqaüd almağıma baxmayaraq komunal ödənişləri vaxtında ödəyirəm.Vaxtınızı çox almaq istəmirəm. Əsas məsələyə qayıdıram.
23.06.2017 –ci il tarixdə mən evdə olmamışam. Azəriqaz İB-nin Agstafa XS-nin işçiləri gəlib bizim evə qaz verilişini dayandırmağa. Əvvəlcə oğluma deyiblər ki, sizin yanvar ayından bəri qaza borcunuz var.Ödəniş etməmisiniz. Heç bir hesabat aparılmayıb.Ona görədə qaz verlişini dayandırırıq. Oğlum isə vaxtlı-vaxtında qaz pulunu ödədiyimizi və qəbzlərinin olduğunu deyib. Qəbzləri onlara təqdim etmək üçün evə gedib. Qayıtdıqda artıq sayğacın qaynaq vasitəsilə xəttdən ayrıldığını görüb. Və səbəb gətiriblər ki, qaz saygacı deşilib müdaxilə olunub.Qeyd etmək istəyirəm ki, hər ay Azəriqazın işçiləri işlətdiyimiz mavi yanacağın bildirişini verən zaman onlardan sayğacın işlək vəziyyəti barədə soruşuruq. 31 may 2017 ci il tarixə kimi saygacda heç bir problem olmayıb. Sayğaca qaz işçilərindən başqa heç kim bu qədər yaxın olmur gördüyümüz qədər.Ara-sıra gəlib baxırlar. Əgər bir nöqsan olsaydı məlumat verərdilər.Mütəxəsis hər hansı nöqsanı görmürsə mən necə görüm.Mənimdə sayğacla bağlı heç bir anlayışım yoxdur.
Dəfələrlə Ağstafa Xidmət sahəsində olmuşuq.Sayğaca zərər biz tərəfindən edilmədiyini desəkdə heç bir faydası olmayıb.Elə deyirlər müdaxilə var.Sayğac Dövlət yoxlamasına göndəriləcək və nəticəsi barədə sizə məlumat veriləcək. Artıq 4 aya yaxındır biz mavi yanacaqdan istifadə etmirik. Müvəqqəti sayğacda qoyulmayıb. Sayğacın Dövlət yoxlamasından cavabının gəlməsi ilə bağlı bizə heç bir rəsmi məlumat verilmədiyi üçün 06.09.2017 tarixində idarəyə getdim. Yoxlamanın cavabının gəldiyini və cərimə məbləğini dedilər. 91 Azn sayğacın dəyəri üstəlikdə 475.20 Azn cərimə hesablanıb.
Deyirlər bu məbləği ödəyin ,sonra biz qaz verilişini bərpa edəcəyik.Əks halda mavi yanacaq verilməyəcək. İndi biz neynəməliyik. Bizi birtərəfli qaydada heç bir sübut gətirmədən sayğaca müdaxilə etməkdə təqsirli bilirlər. Sayğaca hər hansı bir zərər biz tərəfindən olmayıb.Necə müdaxilə olunub onuda bilmirəm. Bəlkə kənar şəxslər tərəfindən sayğaca zərər verilib onuda bilmirəm. Elə deyirlər sayğac deşilib. Mənim iştirakım olmadan iki ədəd akt tərtib edilib. Aktın imza yerində isə imtina etdiyim bildirilir. Oğlum Azərqaz İB-nin Ağstafa Texniki Sahəsinin müdirinin qəbulunda olub. Bu barədə onunda məlumatı var.Müdir bəzi rəqəmləri məsələn 2014-2015 illər ücün bizim işlətdiyimiz qaz sərfiyyatını göstərir.
Deyir qış aylarına baxmayaraq sizin qaz sərfiyyatınız aşağı rəqəmlər göstərir.Hansı ki, bu rəqəmlər bir az yüksək olmalıdır.Belə təxminlər heç bir məntiqə sığmır. Abonentin Saldosu məlumatında göstərilir ki 2009 dekabr ayında ödəniş rəqəmi 56.99 qəpikdir. Həmişə ödənişi tam şəkildə ödəmişəm. 99 qəpik bizim üçündə qaranlıq qalır. Mən Azərbaycan Dövlətinin Vətəndaşıyam . Qanunlarına da hörmət edirəm.Ailəmin şərəfini , nüfusunu yüksəkdə tutduğum kimi dövlətimizin də şərəf və nüfusunu yüksəkdə tuturam.Maddi imkanım olsa belə Dövlətin bizə verdiyi mavi yanacağı qənaətlə istifadə edərəm.Məntiq hardadır ki, mənzildən kənarda yerləşən sayğacın harasınısa ev sahibi qəsdən zədələsin,sayğac işləsin və özüdə cərimə vermək üçün bu əməli törətsin.Belə halları hamıya şamil etmək olmaz.Nə dərəcədə əsaslıdır, əsassızdı bu cərimə deyə bilmərəm.
Azərbaycan Respublikası Energetika Nazirliyi Dövlət Qaz Nəzarəti idarəsinin,Azad İstehlakçılar İctimai Birliyinin,Gəncə İnzibati – İqtisadi Məhkəməsinin , Ağstafa Rayon Məhkəməsinin və Şəmkir rayon məhkəməsinin tövsiyəsinə uyğun olaraq Sizə müraciət etməli oldum. İnanıram ki bizə bir köməklik göstərəcəksiniz.

X A H İ Ş E D İ R Ə M

Mən Qurbanova Lalə Vəli qızı Azəriqaz İB Şəmkir Regional Qaz İstismar İdarəsinin Ağstafa Texniki Sahəsi tərəfindən bizə bildirilən əsassız 475.20 manat məbləğində cəriməni və 91.21 manat sayğac dəyərini ödəmək imkanım yoxdur.Özüm 120 Azn təqaüd alıram.
Yuxarıda qeyd etdiklərimidə nəzərə alaraq qanunvericilik normalarına istinad edərək Azəriqaz İB –yi tərəfindən tərtib edilmiş aktların etibarsız hesab edilməsi , Azəriqaz İB-nin Şəmkir RQİİ-nin Ağstafa XS-nin abonent bazasındakı 610420000186000 abonent koduna hesablanaraq vurulmuş 475.20 manat məbləğində dəymiş ziyanın və 91.21 manat məbləğində qaz sayğacının dəyərinin silinməsinə dair ədalətli qərar verərək bizə köməkdarlıq edəsiniz.

Təşəkkür edirəm.

Mövzunu nəzarətdə saxlayacağıq

Faktinfo.az

Şərhlər

XƏBƏR LENTİ