yüklənir...
yüklənir...

SON DƏQİQƏ

XalqXəbər.Az
yüklənir...
yüklənir...

MTN “yalan detektoru”ndan istifadə edib - Generaldan etiraf

MTN “yalan detektoru”ndan istifadə edib - Generaldan etiraf
15-05-2017, 11:27 56 284 dəfə baxılıb
yüklənir...

Ləğv edilmiş MTN-in generallarının qanunsuz əməllərinin araşdırılması ictimaiyyət üçün bir çox maraqlı məqamları üzə çıxarır.

Cinayət işinin materiallarından əldə etdiyimiz məlumata görə, MTN-ə aparılaraq dindirilən şübhəlilərin bir neçəsi “yalan detektoru”ndan keçirilib.

Belə ki, ifadə verən şəxslərin yalan danışıb-danışmadığı bu aparat vasitəsilə müəyyən olunub. İntihar edən MTN zabiti Malik Mustafayevin epizodu üzrə dindirilən şahidlərdən biri bunu təsdiq edib.

Uzun müddət MTN-in idarə rəisi olmuş, general-mayor M.Y istintaqa ifadəsində deyib ki, nazirliyin Situasiya Mərkəzinin rəis müavini, polkovnik Malik Mustafayevin intihar etdiyini iş yoldaşlarından eşidib.

General M.Y bildirib ki, rəhbərlik etdiyi idarədə 2013-cü ildən “yalan detektoru” deyilən poliqraf olub: “Həmin poliqraf bir qayda olaraq MTN-in Anti-Terror Mərkəzi tərəfindən əməliyyat məqsədi ilə istifadə edilib. Poliqrafdan işə qəbul olunan gələcək əməkdaşların psixo-fizioloji testlər keçirmək məqsədi ilə də istifadə edilirdi. Zərurət yarandıqda abituriyentlər seçmə üsulla “yalan detektoru”ndan keçirilirdi.

Poliqrafın istifadəsinin insan səhhəti üçün heç bir təhlükəsi yoxdur. Bu aparat dünya praktikasında qanuni istifadə olunmaqla açıq satışda da var. “Yalan detektoru” insan nəbzi, təzyiqi, nəfəsi və tərləmə dərəcəsinə əsasən şəxsin konkret suallara yalan və ya düzgün cavab verməsini müəyyən edir. Bu səbəbdən də, insanın barmaqlarına, qoluna, qarın və sinə nahiyələrinə xüsusi təyinedicilər qoşulur. Onların isə insan orqanizminə heç bir ziyanı və mənfi təsiri yoxdur. Təyinedicilərdən heç bir elektrik cərəyanı ötürülmür. Poliqrafın istifadəsi zamanı həkim-psixoloqun iştirakı məqsədəmüvafiqdir”.

General etiraf edib ki, ATM-nin rəis müavini, təcridxanada intihar edən polkovnik İlqar Əliyevin xahişi ilə Malik Mustafayevin qardaşı Mətləb Mustafayev üzərində “yalan detektoru”ndan istifadə olunub: “ATM-də poliqrafın istifadəsi üçün ayrıca otaq var idi. Mən ATM əməkdaşları ilə təcridxanada Mətləb Mustafayevin iştirakı ilə aparatdan istifadə etmişəm. Mətləb Mustafayevi tanımamışam, sorğu zamanı yalnız onun mimikası və jestlərinə fikir vermişəm ki, yalan və ya düz danışdığını müəyyən edim. Buna görə də söhbətin məzmununa fikir vermədim. Sadəcə sorğudan əvvəl İlqar Əliyevdən onun nə günahı olduğunu soruşdum, İlqar Əliyev isə üzərindən tapança çıxdığını dedi. Mən “yalan detektoru”nu nə əsasla istifadə edəcəyimi soruşduqda İlqar Əliyev bunu rəhbərliklə razılaşdırdığını dedi”.

İdarə rəisi M.Y qeyd edib ki, M.Mustafayevə fiziki zor tətbiq edilməsi, ona elektrik cərəyanı ilə və sair formada işgəncə verilməsi halları ilə qarşılaşmayıb.


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər: istifade, yalan, , detektorundan, Generaldan, etiraf, MTN, edib
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

26-05-2017

BÜTÜN XƏBƏRLƏR
yüklənir...
GÜNDƏM
KÖŞE YAZARLARI
yüklənir...
İDMAN
ŞOU-BİZNES
DÜNYA
FACEBOOK SƏHİFƏMİZ
SON DƏQİQƏ