SON DƏQİQƏ
XalqXeber.Az » Aktual » “O qədər harınlayıblar ki, prezidentin maşınında gəzmək istəyirlər” – Hafiz Hacıyev

“O qədər harınlayıblar ki, prezidentin maşınında gəzmək istəyirlər” – Hafiz Hacıyev

Tarix:

1-07-2019, 20:08

/ 1 141 dəfə oxundu.
“O qədər harınlayıblar ki, prezidentin maşınında gəzmək istəyirlər” – Hafiz Hacıyev

“Belə məmurlar bölgələrdə narazılıqlar yaradaraq, xarici kəşfiyyatın “əlinə oynayırlar”.

Bu fikirləri Yenicag.az-a açıqlamasında Kəlbəcər Rayon İcra Hakimiyyətinin xidməti istifadə məqsədilə 200 min manat qiyməti olan “Mercedes-Benz S350” avtomobili üçün tender qərarına münasibət bildirən Müasir Müsavat Partiyasının (MMP) sədri Hafiz Hacıyev deyib.

Partiya sədrinin sözlərinə görə, yerli məmurların belə hərəkətləri harınlığın göstəricisidir:

“Bunlar o qədər harınlayıblar ki, prezidentin maşınında gəzmək istəyirlər. “Naz Lifan” bir yana, heç adi “Mercedes”i də bəyənmirlər. Dövlətin o bahalı maşınlara nə qədər pul xərclədiyini düşünmürlər. Bu yaxınlarda Ağcabədi icra başçısının da “kortej”lə gedib-gəldiyini gördük. Açığı, Kəlbəcərin icra başçısı Aqil Məmmədovu yaxşı insan kimi tanıyıram. Onun bu cür harınlıq və özbaşınalıq edəcəyinə inanmaq istəmirəm. Ancaq əksər məmurlar ölkədə özbaşınalıq yaransın deyə, hər yola əl atır, bilinmir ki, onlar haradan və kim tərəfindən idarə olunurlar. Belə məmurlar bölgələrdə narazılıqlar yaradaraq, xarici kəşfiyyatın “əlinə oynayırlar”.

Şərhlər

XƏBƏR LENTİ