yüklənir...
yüklənir...

SONDƏQİQƏ

XalqXəbər.Az
yüklənir...

İbrahimbəyov fəxri adlarından məhrum edilə bilər - İTTİFAQDAN PREZİDENTƏ MÜRACİƏT...

İbrahimbəyov fəxri adlarından məhrum edilə bilər - İTTİFAQDAN PREZİDENTƏ MÜRACİƏT...
24-05-2018, 16:43 639 dəfə baxılıb

Xəbər verdiyimiz kimi, Rüstəm İbrahimbəyovun ssenari müəllifi olduğu "Qafqaz üçlüyü" filmində Azərbaycan xalqı vəhşi, qəddar, mədəniyyətsiz, ermənilər isə alicənab, sülhsevər, vəhşi türkün qurbanı kimi göstərilir. Filmdə ssenari müəllifinin öz doğulduğu ölkəyə olan nifrəti, milli köklərinə etdiyi xəyanəti ölkə ictimaiyyətinin kəskin etirazına səbəb olub.

Bu səbəbə görə yaxın günlərdə bir qrup rejissor və ziyalılarımız Rüstəm İbrahimbəyova Azərbaycan dövləti tərəfindən verilən fəxri adlarının ləğv edilməsi üçün ölkə başçısı İlham Əliyevə müraciət ünvanlayacaq.

Məsələ ilə bağlı Unikal.org-a Azərbaycan Respublikası Kinematoqrafçılar İttifaqının birinci katibi, Əməkdar İncəsənət xadimi Cəmil Quliyev faktı təsdiqləyib:

"O, Azərbaycanın xalq yazıçısı, əməkdar incəsənət xadimi və digər fəxri adlar alıb. Həmçinin yüksək mükafatlarla təltif olunub. Bunun müqabilində isə o, Azərbaycan xalqını "vəhşi, qəddar, mədəniyyətsiz" göstərib. Bizlər isə hesab edirik ki, Rüstəm İbrahimbəyovun Azərbaycan xalqına etdiyi bu hörmətsizliyin müqabilində ona verilən ən yüksək fəxri adlar və mükafatlardan məhrum edilməlidir. Bunun üçün yaxın günlərdə Kinematoqrafçılar İttifaqının katibliyi çağrılacaq və üzvləri toplaşacaq. Toplantıda Rüstəm İbrahimbəyovun Fəxri ad və mükafatlardan məhrum edilməsi ilə bağlı ölkə başçısı İlham Əliyevə müraciət hazırlanacaq. Dövlət strukturlarının, ictimai qurumların və vətəndaşların da bu məsələdə dəstəyini gözləyirik".

Qeyd edək ki, İbrahimbəyov Rüstəm Məmmədibrahim oğlu 1998-ci ildə Azərbaycanın Xalq yazıçısı, Azərbaycanın Əməkdar incəsənət xadimi adına layiq görülüb, 1995-ci ildə "Şöhrət” ordeni ilə təltif edilib.


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

19-06-2018

BÜTÜN XƏBƏRLƏR
GÜNDƏM
yüklənir...
FACEBOOK SƏHİFƏMİZ
SONDƏQİQƏ