yüklənir...
yüklənir...

SON DƏQİQƏ

XalqXəbər.Az
yüklənir...
yüklənir...

"Eldar Mahmudovun adamları deyilik..." - "Maqsud Mahmudovun iddia etdiyi kimi, Akif Çovdarovla da qohum deyilik..."

10-08-2017, 09:31 139 206 dəfə baxılıb
yüklənir...

İş adamı Maqsud Mahmudov sabiq milli təhlükəsizlik naziri Eldar Mahmudovun, onun komanda üzvlərinin əməllərindən ciddi zərər çəkməsi haqda dəfələrlə yazmışıq. Sonuncu bu səpkili yazı bir neçə gün əvvəl “Eldar Mahmudovun adamları hücuma keçdi” sərlövhəsi altında dərc olunmuşdu.

Yazıda söhbət Ali Məhkəmənin M.Mahmudovun iddiası əsasında başlamış məhkəmə çəkişməsi haqda yekun qərar verməsi və bundan sonra iş üzrə Nəsimi Rayon Məhkəməsinin qanunlara zidd hərəkətliliyindən söhbət açılırdı.

Yada salaq ki, M.Mahmudov məhkəməyə üz tutaraq “Las Veqas” restoranının, “Mersedes” markalı maşının MTN müstəntiqi Cavid Quluzadənin iştirakı ilə reket qaydasında əlindən alındığını, zorən alqı-satqı müqaviləsi bağlandığını qeyd etməklə həmin müqavilənin ləğv olunmasını istəmişdi. Məhkəmə iddianı təmin edib. C.Quluzadə barəsində xüsusi qərardad çıxararaq araşdırılması üçün Baş Prokurorluğa göndərib.

Müstəntiq C.Quluzadənin atası Quliyev Məhəbbət Hənifə oğlu isə Maqsud Mahmudovun ittihamlarını, məhkəmələrin iş üzrə çıxardığı qərarları qəbul etmədiklərini deyir.

Redaksiyamıza təşrif buyuran M.Quliyev bildirir ki, oğlu Cavid Quluzadə 2009-cu ildə MTN-də işə başlayıb: “O adam müstəntiqdir, başqa işi yoxdur. Onun adı bir pis əməldə hallandırıla bilməz. Çünki onu mən tərbiyə etmişəm. Mən müəllim, anası dövlət qulluqçusudur. Oğlumun adının bu məsələlərdə hallandırılmasının səbəbi budur ki, işdə adı keçən Azad İsmayılov 2013-2014-cü illərdən tanıdığım adamdır. O, ali təhsilli tikinti işçisidir, evlər tikirdi. Mən də əməliyyat olunandan sonra müəllim işləyə bilmədim. Babək prospektində Eldar adlı bir şəxsin beton zavodunu icarəyə götürüb işlətdim. Beton zavodunun sahibi Eldar Mahmudov deyildi, Beyləqandandır, əvvəllər tikinti trestinin rəisi olub. Azad İsmayılovla həmin beton zavodunda tanış olmuşam. O, bizdən beton alıb. Bizim gediş-gəlişimiz oldu, ailəvi münasibətimiz yarandı. Günlərin birində Azad İsmayılov mənə zəng elədi, dedi ki, ”Texnikabank" bağlanır, bir sənədlər var, ona Cavid baxsın. Dedi ki, Cavid hüquqşünasdır, məni aldadarlar, ona görə sənədlərə baxmasını istəyirəm. Cavidlə danışdım, səhəri sənədlərə baxdı, dedi ki, problem deyil. Adam restoranı satır, özü də yalvarır. Məhkəmənin qərarında da var ki, Azad İsmayılovun 2006-cı ildən “Texnikabank”a yatırımları olub. 2007-ci ilə qədər Azad İsmayılov banka 1 milyon 400 min pul qoyub. Həmin vaxt Cavid müstəntiq işləmirdi, Azadla mənim tanışlığım, dostluğum yox idi. Bu sübut edir ki, pul nə Cavidindir, nə də mənimdir. Pul Azad İsmayılovundur. Sadəcə mən onunla ailə dostu olduğuma görə oğlum həmin sənədlərə baxıb. Onu da oğlumdan mən xahiş etdim ki, sənədlərə hüquqi baxımdan bax, birdən dələduzlar Azad İsmayılovu aldadar. Restoranı Maqsud Mahmudov satırdı, Azad İsmayılov da alıb. Maqsud Mahmudovun restoranı və qızılları girov qoyub 1 milyon 172 min pul götürüb. “Texnikabank” bağlananda ona deyiblər ki, bank bağlanır, pulu ver. O da deyib ki, pulum yoxdur, restoranım var, satın, pulu götürün. Həmin vaxt bank da Azad İsmayılovun pulunu qaytara bilmirdi. O dövrdə bank ortaya 14 ev atmışdı. Azad İsmayılovu Cəlilabada aparıb orada üzüm bağı, sex göstərmişdilər, başqa obyektlər təklif etmişdilər. Restoran ortaya çıxanda Azad İsmayılov razılaşıb. Deyib ki, bundan restoran olmaz, yerində ev tikmək olar, razılaşıb. Maqsud Mahmudov da ona yalvarıb ki, sən pulu ödə mən qızılı girovdan çıxarım, yoxsa qızıllar batır".

M.Quliyev bildirir ki, M.Mahmudov bankla arasında bağlanan müqavilənin müddəti haqda düzgün məlumat vermir: “Maqsud Mahmudov düz demir, onunla bankın müqaviləsi 2020-ci ilə qədər deyil, 2018-ci ilə qədər olub. Həm də mübahisə obyekti olan əmlaklar onun adına deyildi. Cavidi də mən bu işə qarışdırdım ki, o, sənədlərə baxsın. Maqsud Mahmudov qızılını da qaytarıb, restoranını da alıb, amma bankın pulunu da vermir. Müharibə gedən ölkənin bankından Maqsud Mahmudov 1 milyon 300 min pul götürüb, girov qoyduğu qızılı da, restoranı da geri alıb və pulu da ödəməyib. Restoranını, qızılını Azad İsmayılovun girovunun pulu ilə geri alıb. Maqsud Mahmudov bunu necə edib özü və hakimlər bilər. İş Konstitusiya Məhkəməsindədir. Bu gün Azad İsmayılovun pulları göydə qalıb”.

M.Quliyev Azad İsmayılovun Maqsud Mahmudova qarşı hüquqi baxımdan pul tələbi iddiası ilə çıxış etmək hüququnun olub-olmaması haqda bunları deyib: “Qanun tələb edir ki, müqavilə ləğv olunursa, münasibətlər də sıfır vəziyətinə qayıtmalıdır. Səbəb odur ki, Nərimanov məhkəməsini hakimi Azad İsmayılovdan pul istəyib, o da verməyib. Onlar da belə qərar verdilər. Söhbət ondan gedir ki, Azad İsmayılov bu gün pulunu tələb edir. Dövlət Palatası da məsələni qaldırır ki, pul Maqsuddadır. Gedin verin məhkəməyə”.

M.Quliyev bildirib ki, M.Mahmudovun iddia etdiyi kimi, oğlunun bazarı yoxdur, oğlu bizneslə məşğul deyil: “Oğlum Cavid Quluzadənin bazarı yoxdur, heç bir budkası da yoxdur. Azad İsmayılovun da bazarı yoxdur, onun 3 qoyunu, 3-4 buzovu var. Adamın 1 milyon 400 min pulu batıb. Cavidin 3 beton zavodunun olduğunu deyir. Mən beton zavodunu icarə götürüb işlətmişəm. Maqsud Mahmudov dövlət məmurunun adını ağır cinayətdə hallandırır. Bu cinayət tərkibi yaradır. Mən DTX sədrinə məktub yazacağam. Oğlum barəsində məhkəmə xüsusi qərardad çıxarıb araşdırılması üçün Baş Prokurorluğa göndərdi. Araşdırdılar, yazdılar ki, oğlumun əməlində cinayət tərkibi yoxdur. Oğul nə edib ki? O, sənədlərə baxıb. Əgər ”Texnikabank" Cavidin dostları idisə, bankı məhkəməyə verərdilər? Oğlum Nərimanov məhkəməsində də deyib ki, banka sənədlərə baxmağa getmişəm. Maqsud Mahmudov respublika Cinayət Məcəlləsinin təxminən 27 maddəsi ilə mühakimə olunub. Silah gəzdirmə, şantaj etmə ilə mühakimə olunub. O, vergi ödəmir. Özünü məşhur iş adamı kimi təqdim edir. “Texnikabank”dan götürdüyü pulları qaytarmır. O pulun taleyi ilə heç kim maraqlanmır. Xahiş edirəm, iştirakımla bu məsələ araşdırılsın. Müharibə gedən ölkənin pulunu oğurlamazlar, dağıtmazlar. Bu vətənə xəyanətdir. Quluzadə Cavid Məhəbbət oğlunun əməlini Respublika Prokurorluğu araşdırıb, cinayət tərkibi tapmayıb".

M.Quliyev deyir ki, onlar sabiq milli təhlükəsizlik nazirinin adamları deyillər: “Biz Eldar Mahmudovun adamları deyilik, Maqsud Mahmudovun iddia etdiyi kimi Akif Çovdarovla da qohum deyilik”.

M.Quliyev M.Mahmudovun bahalı “Mercedes” markalı maşınının oğlunun adına rəsmiləşdirilməsini isə belə izah edir: “Maqsud Mahmudov restoranı Azad İsmayılovla alqı-satqı edəndən sonra dedi ki, maşını da satır. Pulunu ödəyib maşını almışıq. Pulun bir hissəsini Azad İsmayılov, bir hissəsini də mən ödəmişəm. Sonradan Maqsud qışqır-bağır salanda ona dedik ki, maşını qaytarırıq, pulunu ver. Razılaşmadı, bizdən artıq pul istədi”.

Müstəntiqin atası iş üzrə məhkəmələrin çıxardığı qərarları düzgün hesab etmir: “İş üzrə Ali Məhkəmə sədrinin təqdimatı olub. Apelyasiya Məhkəməsi qərarının ləğv olunmasını istənilib. Amma həmin təqdimat geri oxunub. Maqsud Mahmudovun maraqları təmin olunub. Mənə elə gəlir ki, Maqsud Mahmudovun bankdan girovdan çıxardığı qızılın şöləsi kiminsə gözünü, qulağını bağlayıb”.

Musavat.com


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər: da, adamlari, deyilik, deyilik, Eldar, Mahmudovun, qohum, , etdiyi, Chovdarovla, Mahmudovun, kimi, Maqsud, iddia, Akif
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

19-08-2017

BÜTÜN XƏBƏRLƏR

Sunayla Hüquqdan Danış

[email protected]


/sunayla_huquq_danish/

GÜNDƏM
KÖŞE YAZARLARI
yüklənir...
İDMAN
ŞOU-BİZNES
DÜNYA
FACEBOOK SƏHİFƏMİZ
SON DƏQİQƏ